Menu मंगलवार, कार्तिक ४ गते २०७७

सरकारले अनुमति दिए कक्षा १२ को परीक्षा दसैंअघि हुने

सरकारले अनुमति दिए कक्षा १२ को परीक्षा दसैंअघि हुने

सरकारले अनुमति दिए कक्षा १२ को परीक्षा दसैंअघि हुने

काठमाडौं । राष्ट्रिय परीक्षा बोर्डले कक्षा १२ को परीक्षा दसैँअगाडि नै सञ्चालन गर्ने गरी सरकारसँग अनुमति मागेको छ।

शिक्षा, विज्ञान तथा प्रविधि मन्त्रालयमार्फत् कोभिड- १९ संकट व्यवस्थापन केन्द्र (सिसिएमसी) लाई पत्राचार गर्दै बोर्डले दसैँअघि नै परीक्षा गर्ने अनुमति मागेको हो।

विद्यार्थीको एक शैक्षिक सत्र खेर जान नदिन र उपल्लो तहको शिक्षाका लागि बाटो खोल्नका लागि पनि अब ढिला नगरी परीक्षा गर्नुपर्ने बोर्डको भनाइ छ।

‘बोर्डले मात्रै चाहेर परीक्षा हुँदैन। परीक्षा सञ्चालनको अनुमतिका लागि सिसिएमसीमा पत्राचार गरिएको छ। पत्रबारे अहिलेसम्म केहि जवाफ आएको छैन,’ उनले भने।

सरकारले अनुमति दिएमा पूर्वसूचना दिएर परीक्षा सञ्चालन गर्ने बोर्डको तयारी छ। उनले माध्यमिक शिक्षा परीक्षा (एसईई) मा जस्तो आन्तरिक मूल्यांकनबाट कक्षा १२ को परीक्षा नहुने प्रष्ट पारेका छन्।

‘परिस्थिति सहज भएमा परीक्षा केन्द्रमा विद्यार्थी राखेर पूरानै तरिकाबाट परीक्षा भइहाल्छ,’ उनले भने, ‘अवस्था यस्तै जटिल नै रहिरह्यो भने नयाँ विकल्पबाट परीक्षा हुन्छ। अनलाइनबाट प्रश्नपत्र पठाएर पनि परीक्षा गर्न सकिन्छ। नयाँ विकल्पबारे छलफल भइरहेको छ, बोर्ड निष्कर्षमा पुगिसकेको छैन।’

वैशाखमा तय भएको कक्षा १२ को परीक्षा कोरोना महामारीले स्थगित भएको थियो।

स्थगित कक्षा ११ को परीक्षा भने विद्यालयबाटै सञ्चालन हुने गरी यसअघि बोर्डले अनुमति दिइसकेको छ।

प्रकाशित मिति :भाद्र १६, २०७७ मंगलवार - १२:०८:२३ बजे

Copyright © All right reserved toOnline Dainik Site By: SobizTrend Technology